ئاژانسی ڕۆیتەرز لە زاری بەرپرسێکی باڵای ئێرانەوە بڵاویکردەوە، موجتەبا خامنەیی، ڕێبەری نوێی ئێران، سەرجەم ئەو پێشنیازانەی ڕەتکردووەتەوە، بە مەبەستی کەمکردنەوەی گرژییەکان و دەستپێکردنەوەی دانوستان لەگەڵ ئەمریکا خراونەتەڕوو.
بە گوێرەی زانیارییەکانی ئەو بەرپرسە ئێرانییە، پێشنیازەکان بە دەستپێشخەریی سێ دەوڵەت و لە ڕێگەی کەناڵە دیپلۆماسییە ناڕاستەوخۆکان و نێوەندگیرە نێودەوڵەتییەکان گەیشتوونەتە تاران، بەڵام لە لایەن خامنەیی رەتکراونەتەوە.
ڕێبەری نوێی حکومەتی ئێران، لە کۆبوونەوەیەکی باڵای تایبەت بە سیاسەتی دەرەوە ئاماژەی بەوە کردووە، بارودۆخی ئێستای ناوچەکە و پەرەسەندنی ململانێ سەربازییەکان، ڕێگە بە چوونە ناو هیچ جۆرە دانوستان یان ڕێککەوتنێک لەگەڵ ئەمریکا نادات.