ئەمشەو لە لەنگەی نوێی هەولێر، سەر شەقامی ١٢٠ مەتری، باڵەخانەیەک لە کاتی کۆنکرێت تێکردندا داڕما و بەو هۆیەوە سێ کرێکار بریندار بوون.
موقەدەم شاخەوان، لە بەرگریی شارستانیی هەولێر، ڕایگەیاند کە تیمەکانیان کاتژمێر ٩:٣٠ ئاگادار کراونەتەوە و پاش ١٠ خولەک گەیشتوونەتە شوێنی ڕووداوەکە.
بە گوتەی ناوبراو، لە کۆی ٢٥ کرێکار کە لە کاتی ڕووداوەکەدا سەرقاڵی کارکردن بوون، سێ کەس بریندار بوون و ڕەوانەی نەخۆشخانە کراون، و تیمەکانی فریاگوزاری هێشتا سەرقاڵی پشکنیین و دڵنیابوونەوەن لەوەی هیچ کرێکارێکی دیکە لەژێر داروپەردوودا نەماوەتەوە.