لە کەلار کەسێک بەهۆی پێوەدانی هەنگەوە گیانی لەدەستدا و کەسوکارەکەی دەڵێن سەرقاڵی هەنگ بەخێوکردن بووە.
لە کەلار کەسێک بەهۆی پێوەدانی هەنگەوە گیانی لەدەستدا و سەرچاوەیەک لە نەخۆشخانەی شەهید هەژار لە کەلار ڕایگەیاند، ئەو کەسەی گیانی لەدەستداوە ناوی نەجم سابر بووە و پاش ئەوەی هەنگ پێوەی داوە گەیەندراوەتە نەخۆشخانە و دواتر گیانی لەدەستداوە.
لەلایەکی دیکەوە کەسوکارەکەی ئاماژەیان بەوەکردووە، ناوبراو دانیشتووی کەلار و پیشەی مامۆستایی بووە و جیا لە ئەرکی مامۆستایەتی سەرقاڵی بەخێوکردنی هەنگیش بووە.