لە شاری دهۆک بەهۆی تەزووی کارەباوە، دوو کرێکار گیانیان لەدەستدا و یەکێکی دیکەشیان بریندارە.
بەگوێرەی زانیارییەکانی نوچە تیڤی، ئێوارەی ئەمڕۆ لە گەڕەکێکی شاری دهۆک بەهۆی تەزووی کارەباوە دوو گەنج کە پیشەیان کرێکارییە و لەکاتی کارکردندا گیانیان لەدەستدا و یەکێکی دیکەش بریندارە.
هەر بەگوێرەی زانیارییەکان، ئەو دوو کرێکارەی گیانیان لەدەستداوە برا بوون و تەمەنیان لە نێوان 24 ساڵ و 28 ساڵ بووە و تەرمەکانیان بۆ پزیشکی دادی دهۆک گواستراونەتەوە، کرێکارەکەی دیکەش تەمەنی 25 ساڵە بە مەبەستی وەرگرتنی چارەسەر ڕەوانەی نەخۆشخانە فریاکەوتنی دهۆک کراوە.