ناوەندی پۆلیسی ئێران ڕایگەیاندووە، هێزە ئەمنییەکانیان توانیوویانە 12 کەس لە پارێزگای خوزستان دەستگیربکەن کە تۆمەتبارن بە بوونی پەیوەندی لەگەڵ دەزگا هەواڵگرییەکانی ئەمریکا و ئیسرائیل.
بە گوێرەی ڕاگەیەندراوەکە، ئەم کەسانە لە ژێر ڕێنمایی ڕاستەوخۆی سەرچاوەکانی دەرەوە کاریان کردووە و ئەرکیان ئەنجامدانی پەیوەندی تەلەفۆنی و ناردنی وێنە و زانیاری بووە بۆ کەناڵە ڕاگەیاندنەکانی ئۆپۆزسیۆن لە دەرەوەی وڵات.
ئاماژەی بەوەشکردووە، دەستگیرکردنەکە لە چەند ئۆپراسیۆنێکی هەماهەنگیدا بووە و لە ئێستاشدا لێکۆڵینەوە بۆ ئاشکراکردنی ئەندامانی دیکەی ئەم تۆڕە بەردەوامە.
له ماوه‌ی جه‌نگه‌كه‌ی له‌گه‌ڵ ئه‌مریكا و ئیسرائیل، ئێران ژماره‌یه‌كی زۆر له هاوڵاتیانی وڵاته‌كه‌ی به تۆمه‌تی سیخوڕیكردن و ناردنی زانیاری و وێنه و ڤیدیۆی ڕووداوه‌كان بۆ ڕاگه‌یاندنه‌كانی ده‌ره‌وه‌ی وڵاته‌كه‌ی ده‌ستگیركردووه و ژماره‌یه‌كیشیانی له سێداره‌داون.