حه‌شدی شه‌عبیی له سنووری قه‌زای خورماتوو بۆردومانكرا و ژماره‌یه‌ك برینداری لێكه‌وته‌وه.
زولفه‌قار حه‌یده‌ر قائیمقامی خورماتوو له لێدوانی بۆ میدیاكان ڕایگه‌یاند، شه‌وی ڕابردوو چوار هێرشی ئاسمانیی كراوه‌ته سه‌ر باره‌گایه‌كی حه‌شدی شه‌عبیی له سنوره‌كه‌یان و ژماره‌یه‌ك برینداری لێكه‌وتوه‌ته‌وه.
به گوێره‌ی زانیارییه‌كان، هێرشه‌كه كراوه‌ته‌سه‌ر باره‌گای لیوای 52ی حه‌شدی شه‌عبیی كه سه‌رجه‌میان توركمانن و باره‌گاكه‌یان ده‌كه‌وێته نزیك شارۆچكه‌ی سلێمان به‌گی سه‌ر به قه‌زای خورماتوو.
ئاماژه‌ی به‌وه‌شكردووه، به‌هۆی هێرشه‌كانه‌وه زیانی مادی زۆر به باره‌گاكه گه‌یشتووه.