ئەنجوومەنی هاریکاریی کەنداو ئامادەکارییەکان بۆ خستنەڕووی ڤیزەی هاوبەشی گەشتیاری تەواو دەکات، بە جۆرێک کە گەشتیاران دەتوانن لەمەودوا تەنیا بە وەرگرتنی یەک ڤیزە سەردانی شەش وڵاتی ئەندام لە ئەنجوومەنەکە بکەن.
جاسم محەمەد، سکرتێری گشتیی ئەنجوومەنی هاریکاریی کەنداو، ڕایگەیاند کە پڕۆژەکە لە قۆناغی کۆتاییدایە و بەمزوانە ڤیزای یەکگرتووی کەنداو بۆ گەشتیاران بەردەست دەبێت.
ئەم سیستەمە نوێیە هاوشێوەی ڤیزەی شنگنی ئەوروپی دەبێت و پێویستیی وەرگرتنی ڤیزەی جیاواز بۆ هەریەک لە وڵاتانی سعودیە، ئیمارات، قەتەر، کوێت، بەحرەین و عومان کۆتایی پێدەهێنێت، کە ئەمەش ئاسانکارییەکی گەورە بۆ کەرتی گەشتیاریی ناوچەکە دەبێت.