فەرماندەی هێزە دەریاییەکانی ئەمریکا ڕایگەیاند، دوو هەزار ئامانجی سەربازی زەمینی و دەریایی ئێرانیان تێكشكاندووه.
برێد کوپێر، فەرماندەی هێزە دەریاییەکانی ئەمریکا لە ئێکس ڕایگەیاند، لە ماوەیەک کەمتر لە سەد کاتژمێردا 17 کەشتیی جەنگی ئێرانی لەلایەن هێزەکانمانەوە نقومکراون.
گوتیشی، ژێر دەریاییەکی ئێران تێکشکێنراوە و ئامانجمان لەناوبردنی تەواوەتی هێزە دەریاییەکانی ئێرانە، بەشێکی زۆری بەرگریی ئاسمانی ئێران و شوێنەکانی هەڵدانی موشەک خاپور کراون.
ئاماژەی بەوەشکرد، 50 هەزار هێزی چەکدار و 200 فڕۆکەی جەنگیی ئەمریکی لە ناوچەکەدا جێگیرکراون، لەئێستاشدا ئەمریکا هێزی زیاتر ڕەوانەی ناوچەکە دەکات.
دەشڵێت، ئەمە گەورەترین هێزی ئەمریکایە لەدوای جەنگی عێراق لە 2003دا، تا ئێستاش هەزار و 600 ئۆپراسیۆنی ئاسمانی ئەنجامدراوە و چوار هەزار کۆگای سەربازی بەکارهێنراوە.