له ڕاگه‌یه‌نراوێكدا شانه‌ی ڕاگه‌یاندنی ئه‌منیی عێراق ڕایگه‌یاند، له ناوچه بیابانییه‌كانی نێوان كه‌ربه‌لا و نه‌جه‌ف، هێرشێكزی ئاسمانیی كراوه‌ته‌سه‌ر، هێزێكی فه‌رمانده‌یی ئۆپراسیۆنه سه‌ربازییه‌كانی كه‌ربه‌لا .
ئاماژه‌ی بۆ ئه‌وه‌ش كردووه، به‌هۆی هێرشه‌كه‌وه سه‌ربازێك كوژراوه و دوو سه‌ربازی دیكه‌ش برینداربوون.
شانه‌ی ئه‌منیی عێراق ده‌ڵێت، ئه‌و هێزه‌ی هێرشی كراوه‌ته‌سه‌ر، له ئه‌ركی ئه‌منیی و چاودێریی دۆخی ناوچه‌كه‌دا بوون.
شانه‌ی ڕاگه‌یاندنی ئه‌منیی عێراق جگه له سه‌ركۆنه‌كردنی ئه‌و هێرشه، ده‌شڵێت، پێشیلێكردنی سه‌روه‌ریی خاكی عێراقه و ڕێوشوێنی یاسایی دژی ئه‌و پێشلێكارییه بێپاساوه ده‌گرنه‌به‌ر.