سلاف فەواخێرجی خەڵاتی ڕێزلێنانی پێبەخشرا

ئەکتەری سوری سلاف فەواخێرجی لە دەیەمین فێستیڤاڵی فیلمی ژنانى ئەسوان کە لە ڕۆژانى 20 تا 26ـى نیسان لە میسر بەڕێوەدەچێت، خەڵاتی ڕێزلێنانی پێبەخشرا .

بەڕێوەبەرانى فێستیڤاڵەکە دەڵێن، سلاف فەواخێرجی بەهۆی سەرکەوتنى لەکارى نواندن خەڵاتەکەى پێبەخشراوە .

سلاف فەواخێرجی بە یەکێک لەو کەسایەتیانە دادەنرێت کە گرنگی بە ڕۆڵی ژنان لە سینەما دەدات و جگە لە بەشدارییەکانی لە سینەمای سوریا و میسردا، لەم دواییانەدا ئەزموونی بەرچاوی لە سینەمای ئێراندا بەدەستهێناوە.

سلاف فەواخێرجی لە زنجیرە تەلەفزیۆنیەکانى وەک ئەسمەهان، کلیۆپاترا، نامەکانی خۆشەویستی و جەنگ، مولوک ئەلتەوایف، بیرەوەرییەکانی داهاتوو، ستافی فرمێسک، شەقامی شیکاگۆ، خەونە گەورەکان، دوا ڕۆژانی خۆشەویستی، شێرەزادە، دوا چیرۆک، پرسیار لە ڕۆحت و ڕووداوێک لە دیمەشقدا بەشداری کردووە.