ئاڵوگۆڕێکی گەورە لە نێو پەرلەمانی تورکیادا ڕوویدا؛ دوای دەستلەکارکێشانەوەی ٩١ پەرلەمانتاری جەهەپە و پەسەندکردنیان لەلایەن سەرۆکایەتیی پەرلەمانەوە، نەخشەی سیاسیی ناو پەرلەمان سەرەوژێر بوو. پارتی یەکسانی و دیموکراسیی گەلان (دەم پارتی) بە ڕەسمی بووە دووەم گەورەترین پارتی ناو پەرلەمان و پلەی "پارتی سەرەکیی ئۆپۆزسیۆن"ی بەدەستهێنا.
لە ماڵپەڕی فەرمیی پەرلەمانی تورکیادا، خشتەی دابەشبوونی کورسییەکانی خولی ٢٨ی پەرلەمان نوێ کرایەوە. بەپێی ئامارە نوێیەکان، دەم پارتی ڕاستەوخۆ کەوتە شوێنی جەهەپە و لە ڕیزبەندیی پارتەکاندا شوێنی دووەمی gرت.
ئەم گۆڕانکارییە لە کاتێکدایە تاوەکو ئێستا دیار نییە سەربارەت بە فراکسیۆنی "پارتی نوێ" - کە لەلایەن بەڕێوەبەرایەتیی ئۆزگور ئۆزەلەوە پێکهێنراوە - کەی کارەکانی ڕێکارە پەرلەمانییەکانی کۆتایی دێت و ڕەزامەندیی لەسەر دەدرێت.