وەزارەتی دارایی و ئابووریی هەرێمی کوردستان ڕایگەیاند، رۆژی پێنجشەممە موچەی مانگی ئازاری مامۆستایانی گرێبەست و ئەو فەرمانبەرانەی دوای تەممووزی 2024 دامەزراون، دابەش دەکرێت.
ڕۆژی سێشەممە، 14ـی نیسانی 2026، وەزارەتی دارایی و ئابووریی هەرێمی کوردستان لە ڕاگەیەنراوێکدا دەڵێت، ڕۆژی پێنجشەممە، 16ـی نیسانی 2026، موچەی مانگی ئازاری مامۆستایانی گرێبەست لە وەزارەتەکانی پەروەردە و خوێندنی باڵا دابەش دەکرێت.
وەزارەتی دارایی دەشڵێت، لە هەمان ڕۆژدا موچەی مانگی ئازاری سەرجەم ئەو فەرمانبەرانە دابەش دەکرێت، کە لە دوای 1ـی تەمموزی 2024ـەوە بەشێوەی گرێبەست و هەمیشەیی لەسەر میلاکی دامەزراوەکانی حکومەتی هەرێمی کوردستان دامەزراون.
لەبارەی سەرچاوەی دابینکردنی پارەی ئەو موچانەوە، وەزارەتی دارایی ئاماژەی بەوە کردووە، "کە شایستە داراییەکانیان لەسەر داهاتی ناوخۆی هەرێمی کوردستان خەرج دەکرێت".