نوچە تیڤی زانیوویەتی، دەیان خوێندکار لەبەردەم خوێندنگەی (یوسف عەزمە) لە شارۆچکەی دێرک گردبوونەوە و دەنگی ناڕەزایەتییان بەرانبەر بڕیارەکانی حکومەتی کاتی بەرز کردەوە.
حکومەتی کاتی بەبێ گوێگرتن لە بنەماڵەی شەهیدان، ناوی ئەو خوێندنگانەی گۆڕیوە، کە لە ناوچەکانی ڕەقە و تەبقە بە ناوی شەهیدانەوە بوون.
ئەلەند حەسەن، یەکێک لە خوێندکارە بەشداربووەکان، ڕاگەیەنراوێکی خوێندەوە و گوتی، شەهیدەکانمان پیرۆزترین بەهای ئێمەن، ئەوان یادەوەرییەکی زیندووی فیداکاری و شکۆمەندیی گەلەکەمانن.
خوێندکاران جەختیان لەوە کردەوە، ئەم ناو گۆڕینە تەنیا گۆڕینی ناوێکی ڕووکەشی نییە، بەڵکو هەوڵێکی دەسەڵاتخوازانەیە بۆ سەپاندنی سیاسەتێکی نوێ و سڕینەوەی مێژووی بەرگریی ناوچەکە. بە گوتەی ئەوان، خوێندن تەنیا وەرگرتنی زانیاری نییە، بەڵکو بەرپرسیارێتیی پاراستنی زمان، کلتور و بەها نەتەوەییەکانە.