بەڕێوەبەرایەتیی گشتیی تەندروستی هەڵەبجە ڕایگەیاند، بەهۆی تەقینی مینەوە گەنجێکی تەمەن 18 ساڵ لە شاخێکی سنوری هەورامان بریندار بوو.
بەڕێوبەرایەتییەکە لە ڕاگەیەنراوێکدا دەڵێت، لەشاخی شرام لە سنوری گوندی گەچێنە لە هەورامان، مین بە گەنجێکدا تەقییەوە بەهۆیەوە دەست و دەموچاوی بریندار بوو، دوای ئەنجامدانی چارەسەری سەرەتایی ڕەوانەی نەخۆشخانەی گشتی هەورامان کرا و دۆخی تەندروستی جێگیرە.