بەڕێوەبەریی خۆسەر لە ڕۆژاڤای کوردستان، خەریکی ئامادەکردنی لیستی ئەو نوێنەرانەیە کە بڕیارە بەشداریی لە وەزارەتەکانی حکومەتی کاتیی سوریادا بکەن.
ئامانج لە ئەم هەنگاوە، یەکخستنی دامەزراوەکانە لە سەر بنەمای لێهاتوویی و پسپۆڕیی.
ئاژانسی هاوار بڵاویکردەوە، ئامادەکارییە کارگێڕییەکان دەستی پێکردووە بۆ دیاریکردن و ئامادەکردنی لیستی ناوەکان.
بەگوێرەی زانیارییەکان، بەڕێوەبەریی خۆسەر لە هەڵبژاردنی ئەم کەسانەدا پشت بە چەند پێوەرێکی سەرەکی دەبەستێت، لەوانە؛ پسپۆڕی، لێهاتوویی و ئەزموون، ئەمەش لە پێناو بە هێزکردنی ڕۆڵی وەزارەتەکانە لە قۆناغی دیکەدا.
ئامانجی سەرەکیی ئەم هەنگاوە، ڕێکخستنەوە و یەکخستنی کاری دامەزراوەکانە لە سەر بنەمای هاوبەشیی ڕاستەقینە لە بەڕێوەبردنی وڵات و هەروەها هەوڵێکە بۆ گواستنەوەی ئەزموون و پسپۆڕیی کادیرانی ناوچەکە بۆ ناو حکومەتی کاتیی.