دکتۆر یاد نەقشبەندی، بەڕێوەبەری نەخۆشخانەی هیوا، ڕایگەیاند کە لە ٢٧ی ئەم مانگەدا کۆنسێرتێکی خێرخوازی بۆ هونەرمەندی ناسراو کەمال محەمەد لە تەلاری هونەر لە شاری سلێمانی بەڕێوە دەچێت و سەرجەم داهاتەکەی بۆ دابینکردنی پێداویستییە پزیشکییەکان و دەرمان بۆ نەخۆشانی شێرپەنجە تەرخان دەکرێت.
لای خۆیەوە، هونەرمەند کەمال محەمەد خۆشحاڵیی خۆی بە بەشداریکردن لەم کارە مرۆییە دەربڕی و ئاماژەی بەوە دا کە هیوادارە لە ڕێگەی هونەرەکەیەوە بتوانێت خزمەتی زیاتری نەخۆشەکان بکات.
هەروەها ناوبراو ئاماژەی بەوەش کرد کە ئەگەر بۆی بگونجێت، لە شاری هەولێریش هەمان کۆنسێرت بۆ هەمان مەبەست ئەنجام دەدات.