بەگوێرەی راپۆرتێکی تۆڕی پزیشکانی سودان، دوێنی هێزەکانی پشتیوانی خێرا هێرشیان کردوتەسەر هۆزێکی عەرەبی ناوچەی مستەریحە لە باشوری دارفۆر و بەهۆیەوە لانیکەم 28 کەس کوژران و 38 کەسی دیکەش بریندار بوون، کە 10 کەسیان ژنن.
تۆڕەکە دەڵێ، هێزی پشتیوانی خێرا هێرشیان کردووەتە سەر تاکە سەنتەری تەندروستیی ناوچەکە، کارمەندێکی نەخۆشخانەکەش لە قوربانییەکانە و کارمەندێکی دیکەی سەنتەرەکەش دەستبەسەرکراوە و تائێستا چارەنووسی نادیارە. بەگوێرەی راپۆرتێکی نەتەوە یەکگرتووەکانیش، هەفتەی رابردوو هێزەکانی پشتیوانی خێرا هێرشیان کردووەتەوەسەر چەند هۆزێکی دیکەی عەرەب لە ناوچەکە و کۆمەڵکوژییان ئەنجام داوە.