دوای سەردانکردنیان بۆ مسکۆ و کۆبوونەوە لەگەڵ ڤلادیمێر پوتین، سەرۆکی ڕووسیا، ستیڤ ویتکۆف و جارێد کۆشنەر، نوێنەرانی تایبەتی دۆناڵد ترەمپ، سەرۆکی ئەمریکا، چوونە کیێڤ و لەگەڵ ڤۆلۆدیمێر زێلینسکی، سەرۆکی ئۆکرانیا کۆبوونەوە.
پێگەی ئەکسیۆسیش وردەکاریی نوێ لەبارەی ئەم دیدارە دیپلۆماسییانە بڵاودەکاتەوە.
بەگوێرەی زانیاریی میدیاکان، لە کۆبوونەوەکەی نێوان نوێنەرانی ترەمپ و زێلینسکیدا، جەخت لەسەر هەوڵەکانی واشنتۆن کراوەتەوە بۆ کۆتاییهێنان بە جەنگی ڕووسیا و ئۆکرانیا، هەروەها لایەنی ئەمریکی جەختیکردووەتەوە کە ئەوان ئاشتییەکی "دادپەروەرانە"یان دەوێت کە ڕێگری لە هەر هێرشێکی داهاتووی ڕووسیا بکات.
هەڵسەنگاندنی ئەرێنی:
بەرپرسانی ئەمریکا و ڕووسیا هەڵسەنگاندنی ئەرێنییان بۆ کۆبوونەوەکەی نێوان پوتین و نێردراوەکانی ترەمپ هەبووە و هەردوولا بە باشی باسیان کردووە.
پلانی داهاتوو:
بەرپرسێکی کۆشکی سپی بە ئەکسیۆسی ڕاگەیاندووە کە ویتکۆف، کۆشنەر و پوتین تاوتوێی ئەو هەنگاوانەیان کردووە، کە بڕیارە لە هەفتەکانی داهاتوودا بۆ دۆزینەوەی چارەسەر ڕابگەیەندرێن.
بەشداریی ئەورووپا:
چاوەڕوان دەکرێت لە گەڕی داهاتووی کۆبوونەوەکاندا نوێنەرانی وڵاتانی بەریتانیا، فەڕەنسا و ئەڵمانیاش بەشداری بکەن.
لای خۆشیەوە، ڤلادمیر زێلینسکی لە دیدارەکەدا دووپاتیکردووەتەوە کە خەڵکی ئۆکرانیا ئازار و مردنیان ناوێت، بەڵام هەر کۆتاییەک بۆ جەنگ دەبێت زامنکەر بێت و پێش بە دووبارەبوونەوەی پەلامارەکانی ڕووسیا بگرێت.