حکومەتی ئەرجەنتین ڕایگەیاند، سوپای پاسدارانی خستۆتە لیستی ڕێکخراوە تیرۆریستییەکانی خۆیەوە و سەرۆکایەتی وڵاته‌كه‌ش ئاماژەی بەوەده‌كات، بڕیارەکە لەسەر بنەمای لێکۆڵینەوەی دادوەری و هەڵسەنگاندنی ئەمنی دراوە.
بە گوێرەی بڕیارەکەی حكومه‌تی ئه‌رجه‌تین، سوپای پاسداران لە لیستی ئەو هێزانەدایه كه پەیوەستن بە کردەوە تیرۆریستیەکان، ئەو ڕێوشوێنەش بەشێکە لە سیاسەتی ئەو وڵاتە بۆ بەرەنگاربوونەوەی تیرۆر و تاوانە ڕێکخراوەیەکان.
هه‌روه‌ها جەخت لەسەر بەدواداچوونی دادپەروەری بۆ قوربانیانی هێرشەکانی ڕابردوو ده‌كاته‌وه کە لەلایەن سوپای پاسدارانه‌وه ئەنجامدراون.
ئەرجەنتین هۆکاری دوو هێرشی کوشندەی لە ساڵانی نەوەدەکاندا بۆ ئێران و گروپە هاوپەیمانەکانی گەڕاندەوە، ئه‌وانیش بۆردومانی باڵیۆزخانەی ئیسرائیل لە ساڵی 1992 لە بۆیینس ئایرسی پایته‌ختی ئه‌رجه‌نیتن و هێرشی ساڵی 1994 بۆ سەر ناوەندی جولەکەکانی ئامیایه کە زیاتر لە 100 کوژراو و سەدان برینداری لێکەوتەوە.