لە هەنگاوێکدا بۆ خێراکردنی پرۆسەی دابەشکردنی مووچە، وەزارەتی دارایی عێراق بڕیاری دا ڕۆژانی هەینی و شەممە بکاتە دەوامی ئاسایی. بە گوێرەی زانیارییەکان، ئەم بڕیارە لەسەر داوای فالح ساری، وەزیری دارایی عێراق دراوە تا فەرمانبەرانی وەزارەت لە ڕۆژانی پشوودا لە سەر کارەکانیان بەردەوام بن.
ئامانج لەم هەنگاوە ئەوەیە، تا ناوەڕاستی هەفتەی داهاتوو، پرۆسەی پارەدارکردنی بۆ سەرجەم ئەو وەزارەت و دەزگا فیدراڵییانەی تا ئێستا مووچەیان وەرنەگرتووە تەواو بکرێت.
ئاماژە بەوە کراوە، ئەگەر هیچ ئاستەنگێکی یاسایی نەیەتە پێشەوە، لە ناوەڕاستی هەفتەی داهاتوودا مووچەی مانگی تەمووز (حەوت)ی فەرمانبەرانی هەرێمی کوردستان بە شێوازی موقاسە خەرج دەکرێت.
ئامادەکاری بۆ ناردنی مووچەی هەرێم دەکرێت
