بەڕێوەبەرایەتیی ئاسایشی هەولێر دەستگیرکردنی تۆمەتبارێکی ڕاگەیاند، تەقەی لە کارمەندانی کۆمپانیای جێبەجێکاری پڕۆژەی پشتێنەی سەوزایی لە سنووری ناحیەی بەحرکە کردبوو و لە ئەنجامدا سێ کارمەندی کۆمپانیاکە بریندار بووبوون.
لە ڕاگەیەندراوەکەی ئاسایشی هەولێردا هاتووە، بەهۆی دروستبوونی کێشە و ئاڵۆزی لە سنووری ناحیەی بەحرکە، چەند هاوڵاتییەک ڕێگرییان لە کارمەندانی کۆمپانیای جێبەجێکاری پڕۆژەی پشتێنەی سەوزایی کردووە و هێرشیان کردووەتە سەریان.
ئاسایشی هەولێر ئاماژەی بەوەش کرد، تۆمەتباری سەرەکیی تەقەکردنەکە بە ناوی (م ، ت ، ت) بە فەرمانی دادوەری لێکۆڵینەوە دەستگیرکراوە و لێکۆڵینەوەکان لەبارەی ڕووداوەکەوە بەردەوامن.
پڕۆژەی پشتێنەی سەوزایی بە درێژیی 92 کیلۆمەتر و پانیی دوو کیلۆمەتر بە دەوری شاری هەولێردا دەسووڕێتەوە و بڕیارە بە چاندنی داری زەیتوون و فستق سەوز بکرێت.
ئاسایشی هەولێر: تۆمتباری تەقەکردن لە کارمەندانی پڕۆژەی پشتێنەی سەوزایی دەستگیرکرا
