پەیوەندییە گشتییەکانی سوپای ئێران ڕایگەیاند، هێرشێکی مووشەکیی ئەمریکا بۆ سەر هێزی زەمینی ئەرتەشی ئێران لە ناوچەی بامپوور لە پارێزگای سیستان و بەلووچستان حەوت کوژراو و دەیان برینداری لێکەوتەوە.
بە گوێرەی زانیارییە فەرمییەکان، هێرشەکە بەیانی ئەمڕۆ بە ١٣ مووشەک ڕوویداوە و میوانخانە و بنکەی پاسەوانیی کردۆتە ئامانج و سوپای ئێران بەڵێن دەدات توڵەی ئەم هێرشەی ئەمریکا بە توندی بکاتەوە.
بەڵام سەرچاوە ناوخۆییەکان لە سۆشیال میدیادا باسی چەند تەقینەوەیەکی گەورە دەکەن و نووسیویانە ئەگەری زۆرە ژمارەی کوژراو و بریندارەکانی ئەم هێرشە زیاد بکات.
ماڵپەڕی ئافتاب نیوز بە پشت بەستن بە سەرچاوەکانی خۆی لە بەلوچستان بڵاوی کردەوە کە لانیکەم ٥٠ سەربازی ئێران بریندار بوون و باری تەندروستیی هەندێکیان ناجێگیرە