لە پەراوێزی بەڕێوەچوونی کۆبوونەوەی گشتیی نەتەوەیەکگرتووەکان لە نیویۆرک، عەلی زەیدی سەرۆکوەزیرانی عێراق و ئەحمەد شەرع، سەرۆکی سوریا کۆبوونەوە.
نوسینگەی سەرۆکوەزیرانی عێراق دەڵێت، دۆخی ناوچەکە و هەوڵە هەرێمییەکانیان بۆ ئاساییکردنەوەی دۆخی ناوچەکە و کۆتاییهێنان بە گرژییەکانی ڕۆژهەڵاتی ناوەڕاست تاوتوێ کردووە.
باسی لەوەش کردووە، عەلی زەیدی و ئەحمەد شەرع، پەرەپێدانی پەیوەندییە دووقۆڵییەکان و هەوڵەکان بۆ پتەوکردنی پەیوەندییەکانیان لە سەرجەم بوارەکاندا تاوتوێ کردووە بە گوێرەی بەرژەوەندیە هاوبەشەکانی هەردولا.
لە کاتەوەی عەلی زەیدی وەک سەرۆکوەزیران دەستبەکاربووە، ئەمە یەکەم کۆبوونەوەی دووقۆڵیەتی لەگەڵ ئەحمەد شەرع.