ئەنجوومەنی وەزیرانی هەرێمی کوردستان، بە مەبەستی ڕێکخستنەوەی ڕاژە و پاراستنی مافی یاسایی و دارایی فەرمانبەران و کارمەندانی دامەزراوە سەربازی و ئەمنییەکان، کۆنووسی هەژمارکردنی ماوەی خزمەتی سەربازی و ئەمنی بە شێوازی (ساڵێک بە دوو ساڵ) پەسەند کرد؛ کە ئەو ماوەیە دەگرێتەوە لە ٤ی تەممووزی ١٩٩٢ تاوەکو ٣١ی کانوونی یەکەمی ٢٠٢٤.
بەپێی نووسراوە فەرمییەکە، وردەکاری و مەرجەکانی ئەم بڕیارە بەم شێوەیەن:
شێوازی پێشکەشکردن: پرۆسەی هەژمارکردنی ئەم خزمەتە ئارەزوومەندانەیە و پێویست دەکات کارمەند یان ئەفسەرەکە خۆی داواکاریی فەرمی پێشکەش بە فەرمانگەکەی بکات.
تێچووی دارایی: جێبەجێکردنی بڕیارەکە مەرجدارە بەوەی داواکار ڕێژەی ١٠٪ی مووچەی بنەڕەتیی ١٠ ساڵی خانەنشینی بداتەوە؛ کە بۆ کارمەند و پێشمەرگە دەداتە نزیکەی ٣ ملیۆن و ٩٣٦ هەزار دینار، و بۆ ئەفسەرانیش دەگاتە ٦ ملیۆن و ٣٣٦ هەزار دینار.
لایەنە سوودمەندەکان: بڕیارەکە تایبەتە بە ئەفسەر و کارمەندانی وەزارەتی پێشمەرگە، وەزارەتی ناوخۆ و دەزگای ئاسایش، و ئەو هێزە سەربازی و ئەمنییانەی ڕاژەکەیان بۆ بەشی شارستانی گواستراوەتەوە، ئەم بڕیارەیان بەسەردا جێبەجێ ناکرێت.