پارتی یەکێتیی دیموکراتیک (پەیەدە) لە ڕاگەیەندراوێکی نووسراودا توندترین سەرکۆنەی هێرشەکەی سەر نووسینگەی تایبەتی سەرۆکی حکومەتی هەرێمی کوردستانی کرد و پشتیوانیی خۆی بۆ حکومەت و گەلی هەرێمی کوردستان دەربڕی.
هاوسەرۆکانی پەیەدە لە ڕاگەیەندراوەکەیاندا ئاماژەیان بەوە کرد، ئەم هێرشە دەستدرێژییە بۆ سەر ئاسایش، سەقامگیری، ئیرادە و دەستکەوتەکانی گەلی کوردستان. هەروەها جەختیان کردەوە، ئەم دەستدرێژییە لە جەوهەردا ئاراستەی ڕۆژئاوای کوردستان، ئیرادەی گەل و خواستەکانیانە بۆ ئازادی و سەقامگیری.
پیەدە پشتیوانیی تەواوی خۆی بۆ سەرۆکی حکومەت، حکومەتی هەرێمی کوردستان و گەلی کوردستان دەربڕی و هیوای ئارامی و سەقامگیریی بۆ باشوور و تەواوی گەلی کورد خواست.
ڕیگاریی سەر نووسینگەی سەرۆکی حکومەتی هەرێمی کوردستانی سەرکۆنە کرد
