پارتی ژیانی ئازادی کوردستان (پژاک) سەبارەت بە فەتوای 47 ساڵ لەمەوبەری ئایەتوڵا خومەینی لە دژی گەلی کورد ڕاگەیەندراوێکی بڵاوکردەوەو گوتی، سیاسەتی کۆمەڵکوژی و قڕکردنی کۆماری ئیسلامی کە 47 ساڵ لەمەوبەر دەستیپێکرد بێ ئەنجام بووە و نەیوانیووە سەرکەوتوو بێت.
ئاماژەی بەوەشکردووە، گەلی کورد بەپێچەوانەی هەموو گوشارە ئەمنییەکان و سیاسەتی پاکتاوکردن و لەسێدارەدان، لە ئیرادەی ئازادیخوازی خۆی پاشەکشەی نەکردووە.
پژاک دەشڵێت، گەلی ڕۆژهەڵاتی کوردستان توانیویەتی کلتور و ناسنامەی خۆی بپارێزێت و سەلماندوویەتی ژیانێکی بەکەرامەت بە تۆپ و تانک سەرکوت ناکرێت.
لەکۆتاییشدا پژاک بە ڕێزەوە یادی شەهیدانی کۆمەڵکوژی ساڵی ١٩٧٩ی کردەوە و ڕایگەیاند، ڕێکارە ئەمنییەکان سەرکەوتوو نەبوون و هاوکات جگە لە چارەسەری دیموکراتییانە بۆ پرسی کورد هیچ ڕێگەیەکی تر بوونی نییە.