پارتی ئازادیی کوردستان (PAK) ڕایگەیاند، بەرەبەیانی ئەمڕۆ دووشەممە، بارەگای چەمشاری "سپای میللیی کوردستان" کە باڵی سەربازیی حزبەکەیە، لە لایەن هێزەکانی ئێرانەوە کراوەتە ئامانج.
بەگوێرەی ڕاگەیەندراوی فەرمیی حزبەکە، هێرشەکان لە ڕێگەی سێ درۆنەوە و لە سێ کاتی جیاوازی بەرەبەیانی ئەمڕۆدا لە کاتژمێرەکانی (٠٤:٥٣)، (٠٥:١٩) و (٠٥:٢٩) ئەنجام دراون.
تاوەکو ئێستا پارتی ئازادیی کوردستان هیچ زانیارییەکی فەرمی لەسەر قەبارەی زیانە گیانی یان ماددییەکانی ئەو هێرشە درۆنییانە بڵاونەکردووەتەوە.