مەرجان ساتراپی، هونەرمەند و چالاکوانی فەرەنسی-ئێرانی، کە بەهۆی ڕۆمانە گرافیکییەکەی "پێرسپۆلیس"ەوە دەنگی خەباتی گەلی ئێرانی گەیاندە ملیۆنان کەس لە سەرانسەری جیهاندا، لە تەمەنی 56 ساڵیدا کۆچی دوایی کرد.
کۆشکی ئەلیزێ لە ڕاگەیەندراوێکدا ستایشی بەرهەمەکانی ساتراپی کرد و ڕایگەیاند کە کارەکانی "سەرنجی بینەرانی جیهانی ڕاکێشاوە" و کۆچی دوایی ئەویش وەک لەدەستدانی کەسایەتییەکی پێشەنگی کلتووری فەرەنسی و هونەرمەندێکی قووڵ پابەند بە ئازادی لەقەڵەمدا.
ساتراپی لە ساڵی 1969 لە شاری ڕەشتی ئێران لەدایکبووە، و ژیانی دوای شۆڕشی ئیسلامی 1979 گۆڕانی بەسەردا هات، کە تێیدا مافەکانی ژنان سنووردارکران و ناچارکرا باڵاپۆش بێت.
ئەو ئەزموونانەی کە دواتر لە ڕوانگەی منداڵێکەوە لە ڕۆمانە گرافیکییە بەناوبانگەکەیدا "پێرسپۆلیس" لە ساڵی 2000دا بڵاویکردەوە.
ساتراپی لە ساڵی 1994 بە هەمیشەیی کۆچی کرد بۆ فەرەنسا.
"پێرسپۆلیس" لە ساڵی 2007 کرا بە فیلمێکی ئەنیمەیشن و خەڵاتی لێژنەی دادوەرانی لە فێستیڤاڵی فیلمی کانی بەدەستهێنا و پاڵێوراویش بوو بۆ خەڵاتی ئۆسکار.
ساتراپی ڕەخنەگرێکی سەرسەختی دەسەڵاتی ئێران و پاڵپشتێکی دیاری بزووتنەوەی "ژن، ژیان، ئازادی" بوو، و پێشتر ڕەتیکردەوە خەڵاتی شەرەفی نیشتمانیی فەرەنسا (Legion of Honour) وەربگرێت، بەهۆی ئەوەی کە بە "سیاسەتی دووڕووانەی فەرەنسا بەرامبەر بە ئێران" ناویبرد.
مەرجان ساتراپی، نووسەری ڕۆمانی بەناوبانگی "پێرسپۆلیس" لە تەمەنی 56 ساڵیدا کۆچی دوایی کرد