دۆناڵد ترامپ سەرۆکی ئەمریکا پێشنیازی کردووە ناوی ویلایەتی "نیو مەکسیکۆ" بگۆڕدرێت بۆ "نیو ئەمریکا"، ئەمەش ڕەخنە و کاردانەوەی توندی لەلایەن بەرپرسانی ئەو ویلایەتەوە لێکەوتووەتەوە.
ئەم پێشنیازەی ترامپ بەشێکە لە هەوڵەکانی بۆ گۆڕینی ناوی ئەو شوێنە جوگرافیایانەی ئەمریکا کە ناوی بیانییان پێوەیە، وەک کەنداوی مەکسیکۆ و دەریاچەی ئۆنتاریۆ. بەپێی دەستوور، سەرۆکی ئەمریکا دەسەڵاتی تاکلایەنەی نییە ناوی هیچ ویلایەتێک بگۆڕێت، چونکە گۆڕینی ناوەکە پێویستی بە هەموارکردنەوەی دەستووری ناوخۆیی ویلایەتەکەیە.
لە بەرامبەردا، میشێل لوجان گریشام، پارێزگاری نیو مەکسیکۆ و سیناتۆرەکانی ویلایەتەکە بە توندی وەڵامی ترامپیان دایەوە. پارێزگارەکە ڕایگەیاند، ناوی ویلایەتەکەیان جێی دانوستان نییە و تۆمەتباری کرد بەوەی دەیەوێت لە ڕێگەی ئەم بابەتانەوە سەرنجی هاوڵاتییان لە قەیرانی ئابووری، بەرزبوونەوەی نرخی سووتەمەنی و ئاڵۆزییەکانی جەنگی ئێران لابدات.
ململانێی ترامپ و بەرپرسانی نیو مەکسیکۆ لەسەر گۆڕینی ناوی ویلایەتەکە دەستیپێکرد
