سەلجوق مزراکڵی، هاوسەرۆکی پێشووی شارەوانی ئامەد و پەرلەمانتاری پێشووی هەدەپە، ئەمڕۆ لە زیندانی ئێدیرنەوە ئازاد کرا. ناوبراو لە ساڵی ٢٠١٩دا پاش تێپەڕینی پێنج مانگ بەسەر هەڵبژاردنیدا وەکو شارەزای شارەوانییەکە دوورخرایەوە و قەیومی لە شوێن دانرا، پاشان لە هەمان ساڵدا بە تۆمەتی "ئەندامێتیی ڕێکخراو" دەستگیر کرابوو.
بەگوێرەی زانیارییەکانی نووچە تیڤی، مزراکڵی دوای ئازادبوونی سەردانی گۆڕی سەری سوورەیا ئۆندەر، ئەندامی شاندی ئیمڕاڵی و سیاسەتمەدار دەکات، و پاشان لە نەخۆشخانەیەکی ئەستەنبوڵ چاوی بە ئیسماعیل بێشکچی، نوسەر و کۆمەڵناس دەکەوێت.
بڕیارە دوای تەواوبوونی ئەم دیدارە، بەرەو ئامەد بەڕێبکەوێت و لەوێش بە شێوەیەکی جەماوەری پێشوازیی لێ بکرێت.