عەلی زەیدی، سەرۆک وەزیرانی عێراق ڕایگەیاند، عێراق یەکێکە لەو وڵاتانەی بەهۆی داخرانی گەرووی هورمزەوە زۆرترین زیانی بەرکەوتووە و جەختی کردەوە کە ناکرێت بۆ هەناردەکردنی نەوت تەنیا پشت بە یەک ڕێگە ببەسترێت و دەبێت بیر لە ڕێگەی بەدیل بكرێتەوە.
سەرۆک وەزیرانی عێراق ڕەخنەی لە بەشێک لە لێپرسراوان گرت کە خۆیان لە بەرپرسیارێتی دەدزنەوە و ڕایگەیاند کە فرۆشنەنانی هەر بەرمیلێک نەوت کاریگەریی ڕاستەوخۆی لەسەر دواکەوتنی مووچە، خزمەتگوزارییە گشتییەکان و خەزێنەی دەوڵەت هەیە.
عەلی زەیدی ئاماژەی بەوە کرد، پابەندبوونی دارایی زۆر لەسەر دەوڵەت هەیە کە بەشێکی زۆریان دەکەونە ژێر دەسەڵاتی وەزارەتی نەوتەوە، بۆیە داوای لە بەرپرسان کرد بەرپرسیارێتی هەڵبگرن و جەختی کردەوە، کە هیچ بیانوویەک قبووڵ ناکرێت و پێشبینی دەکەن هەفتەی داهاتوو ئەنجامی کردارەکان ببینن.
سەرۆک وەزیرانی عێراق: داخرانی گەرووی هورمز زیانی گەورەی لە ئابووریی عێراق داوە
