سەرۆکی پەرلەمانی تورکیا، لەگەڵ نوێنەرانی پارتە سیاسییەکان کۆدەبێتەوە بە مەبەستی دانانی بنەما و دیاریکردنی ژمارەی ئەندامانی "کۆمیسیۆنی چاودێری" کە بڕیارە لە پەرلەماندا پێکبهێنرێت.
بەپێی ئەو زانیارییانەی دەست کەوتوون، لەم کۆبوونەوەیەدا ڕێکار و بنەماکانی کاری کۆمیسیۆنەکە و ژمارەی ئەندامەکانی یەکلایی دەکرێنەوە. ئاکپارتی دەیەوێت کۆمیسیۆنەکە قەبارەیەکی سنوورداری هەبێت و زۆر فراوان نەبێت، لەم چوارچێوەیەشدا باس لەوە دەکرێت کە ڕەنگە ژمارەی ئەندامەکانی لە نێوان ١٥، ١٧ یان ٢٠ کەسدا بێت.
هەروەها لەم کۆبوونەوەیەدا چارەنووس و شێوازی ئەندامێتیی ئەو پارتە سیاسییانەش کە گرووپی پەرلەمانییان نییە، ڕوون دەبێتەوە.