کۆمپانیای بە بازاڕکردنی نەوتی عێراق (سۆمۆ) ڕاگەیەنراوێکی لەسەر داهاتی نەوتی مانگی شوبات بڵاوکردەوە و دەڵێت، کۆی نەوتی خاوی هەناردەکراو لەو مانگەدا گەیشتووەتە 99 ملیۆن و 872 هەزار بەرمیل، داهاتی گشتیی ئەم بڕە نەوتەش بریتی بووە لە شەش ملیار و 814 هەزار دۆلار.
ئاماژەی بەوەشکردووە، زۆرترین بڕی هەناردەکردن لە کێڵگەکانی ناوەڕاست و باشوری عێراقەوە بووە، کە بڕەکەی گەیشتووەتە 93 ملیۆن و 349 هەزار و 480 بەرمیل.
سەبارەت بە هەرێمی کوردستان، لە ڕاگەیەنراوەکەی سۆمۆدا هاتووە، کە پێنج ملیۆن و 551 هەزار و 610 بەرمیل نەوت لە ڕێگەی بەندەری جەیهانی تورکییەوە هەناردەی بازاڕەکانی جیهان کراوە.