چەکدارانی سەر بە لیواکانی حەمزات و عەمشات، کە لەژێر چەتری وەزارەتی بەرگریی سوریا کاردەکەن، دەستیان گرتووە بەسەر، ئامێرە کشتوکاڵییەکان و کەلوپەلی ناوماڵ و تەنانەت دەرگا و پەنجەرەی خانووی گوندەکانی سنووری کۆبانێ.
چالاکوان و رێکخراوەکانی مافی مرۆڤ لە شاری کۆبانێ رایانگەیاندووە، شەپۆلێکی بەرفراوانی تاڵانکردن و وێرانکاری، گوندەکانی دەوروبەری شاری کۆبانی گرتووەتەوە.
رۆژنامەنووس دەلیل رەمەزان، بە دەنگی ئەمریکای وتووە، لە کۆی 120 گوندی باشوری کۆبانی کە لەژێر کۆنترۆڵی چەکدارەکانی حکومەتی کاتیی دیمەشق دان، 100 گوندیان تاڵان و وێران کراون.
بەشی کوردیی دەنگی ئەمەریکا، لە راپۆرتێکدا ئاشکرایکردووە، چەکدارەکان هیچیان بۆ خەڵکی ئاوارە جێنەهێشتووە و دوای تاڵانکردن، ئاگریان لە ماڵەکانیان بەرداوە.
هەروەها ئاماژەی بەوەکردووە، کاولکاریی و تاڵانکردن تەنها کۆبانی نەگرتووەتەوە، بەڵکو ماڵە کوردەکانی تەبقە و رەقاش رووبەڕووی هەمان چارەنووس بوونەتەوە.