لە پاشەکشەیەکی سیاسیی چاوەڕواننەکراودا بۆ حکومەتەکەی نارێندرا مۆدی، پەرلەمانی هیندستان نەیتوانی دەنگی پێویست بۆ تێپەڕاندنی هەموارێکی دەستووری بەدەستبهێنێت کە ئامانج لێی چەسپاندنی کۆتای 33٪ بوو بۆ ژنان.
ئەم شکستە پەرلەمانییە دوای ئەوە هات، حکومەت جێبەجێکردنی ئەم مافەی بەستبووەوە بە پڕۆژەیەکی تری مشتومڕاوی بۆ زیادکردنی کورسییەکانی پەرلەمان بۆ زیاتر لە 850 کورسی و دووبارە کێشانەوەی سنووری بازنەکانی هەڵبژاردن لەسەر بنەمای سەرژمێریی نوێ.
ئەم پێشهاتە بووە هۆی ناڕەزایەتی توندی پارتەکانی ئۆپۆزسیۆن و حکومەتیان تۆمەتبار کرد بەوەی پرسی ژنانی وەک "قەڵغانێکی سیاسی" بۆ بەهێزکردنی هەژموونی پارتی فەرمانڕەوا لە هەڵبژاردنی 2029دا بەکارهێناوە.
ئەمە لە کاتێکدایە، ڕێژەی نوێنەرایەتی ژنان لە پەرلەمانی ئەو ولاتە 14٪ـی کورسییەکانی پەرلەمانە. سەرەڕای بەرگرییە توندەکانی مۆدی، پڕۆژەکە تەنها 298 دەنگی بەدەستهێنا و نەگەیشتە ڕێژەی دوو لەسەر سێی پێویست.
ئەمە وەک یەکەم شکستی دەستووریی گەورەی مۆدی لە ماوەی 12 ساڵی دەسەڵاتیدا، ململانێی سیاسی لە سەر دابەشکردنی دەسەڵات لە نێوان ڕەگەزەکان و ناوچە جیاوازەکانی هیندستاندا قووڵتر کردەوە.