وەزیری بەرگری پۆڵەندا ڕایگەیاند: حکومەتی وڵاتەکەمان بڕیاریدا سەرجەم هێزە سەربازییەکانی لە عێراق بکشێنیتەوە و ئەو هەنگاوەش دوای هەڵسەنگاندنێکی گشتگیربووە لەبارەی ئەگەری مەترسییەکان.
مارسین کۆشچیاناک کامیش وەزیری بەرگری پۆڵەندا لە سەکۆى خۆى لە ئێکس بڵاویکردوەتەوە “بڕیارى کشانەوەى هێزەکانیان لە عێراق دوای هەڵسەنگاندنێکی گشتگیر بۆ ئەگەری مەترسییەکان هاتووە.
وەزیری بەرگری پۆڵەندا جەختیشی کردووەتەوە، تەواوی سەربازەکانیان عێراقیان بەجێهیشتووە و ئەو هەنگاوەش بە هەماهەنگی بووە لەگەڵ ناتۆ.
ئەوەش لەکاتێکدایە، پۆڵەندا لە ساڵی ٢٠٠٣ ـەوە، ٢٠٠٠ سەربازی ڕەوانەی عێراق کرد وەک بەشێک لە “هاوپەیمانی دژ بە داعش، هەردوێنێش ناتۆ کشانەوەی نوێنەرایەتی ڕاوێژکاری خۆی لە عێراق ڕاگەیاند.