ئامادەکاری بۆ ئاڵوگۆڕی نوێی دیلەکان لە نێوان هێزەکانی سوریای دیموکرات (هەسەدە) و حکومەتی کاتیی سوریا دەکرێت کە زیاتر لە 200 کەس لە خۆدەگرێت.
ئاژانسی ئانها بڵاویکردووەتەوە، ئامادەکارییەکان بۆ ئاڵوگۆڕیی خولی چوارەمی دیلەکان لەنێوان هەسەدە و حکومەتی کاتیی سوریا لە سەرەتای هەفتەی داهاتوودا بەردەوامی دەبێت.
دەشڵێت، ئەمە چوارەم ئاڵوگۆڕی دیل دەبێت و پێشبینی دەکرێت 200 کەس لە خۆبگرێت.
ئەمەش لە چوارچێوەی ڕێککەوتنی 29ـی کانوونی دووەمی 2026، لە نێوان هێزەکانی سوریای دیموکرات و حکومەتی کاتیی سوریایە، کە بە قۆناغی یەک لە دوای یەک ئاڵوگۆڕی دیلەکان لە نێوان هەردوولادا دیاری کراوە.