شاندێکی هاوبەش لە وەزارەتی تەندروستیی حکومەتی کاتیی سوریا و ڕێکخراوی یونیسێف، سەردانی شاری کۆبانێیان کرد و لەلایەن ئەنجوومەنی بەڕێوەبەری شارەکە و نوێنەرانی دامەزراوە تەندروستییەکانەوە پێشوازییان لێکرا.
بە گوێرەی زانیارییەکان، لەم دیدارەدا باس لە دۆخی تەندروستی و مرۆیی کۆبانێ و پرسی کوتانی منداڵان کراوە.
هه‌روه‌ها تیشک خراوەتەسەر ئەوەی، لە چەند ڕۆژی داهاتوودا هەڵمەتێکی فراوانی کوتانی منداڵان دەست پێ دەکات و تا 22ـی ئەم مانگە بەردەوام دەبێت.
بەرپرسانی تەندروستی لە کۆبوونەوەکەدا جەختیان لە گرنگیی هەماهەنگی بۆ پشتیوانیکردنی دانیشتووانی ناوچەکە و باشترکردنی کەرتی تەندروستی کردەوە.
گوتیشیان، دەبێت کێشەکان چارەسەر بکرێن بۆ ئەوەی پرۆسەی تێکەڵکردن لە هەموو بوارەکاندا سەرکەوتوو بێت.