ئاژانسی هەواڵی فارس نیوزی ئێران، بە پشتبەستن بە بەرپرسانی تەندروستی، ڕایگەیاند کە بەرەبەیانی ئەمڕۆ لە ئەنجامی هێرشەکان بۆ سەر دوورگەی قشم، سێ کەس کوژراون و دوو کەسیش بریندار بوون.
بەگوێرەی ڕاپۆرتی زانکۆی هۆرموزگان بۆ زانستە پزیشکییەکان، لە هێرشەکەدا کە ماڵێکی نیشتەجێبوونی لە گەڕەکی چەتنگۆی شاری قشم کردە ئامانج، دایک و باوکی خێزانێک لەگەڵ منداڵێکی تەمەن دوو ساڵان گیانیان لە دەست داوە.
هەروەها، لە ئەنجامی ئەم هێرشەدا دوو منداڵی تریش لە هەمان ماڵ بریندار بوون و بۆ مەبەستی چارەسەری پزیشکی ڕوانەی نەخۆشخانە کراون.
لە لایەکی ترەوە، ئەحمەد نەفیسی، جێگری پارێزگاری سیاسی، ئەمنی و کاروباری کۆمەڵایەتیی هۆرموزگان، هەواڵەکەی پشتڕاست کردەوە و ڕایگەیاند کە پرۆسەی لابردنی پاشماوە و گەڕان لەو یەکە نیشتەجێبوونەدا کۆتایی پێ هاتووە.