دوای ئه‌وه‌ی 12 ڕۆژ له‌مه‌وبه‌ر، گه‌نجێكی خه‌ڵكی زاخۆ، كه‌وته ناو ڕووباری خابور ه بێسه‌روشوێن بوو، ئه‌مڕۆ ته‌رمه‌كه‌ی دۆزرایه‌وه.
جه‌مال حه‌سه‌ن، بەڕێوەبەری بەرگریی شارستانیی زاخۆ ڕایگه‌یاند، دوای 12 ڕۆژ گه‌ڕان به دوایدا، ئه‌مڕۆ 5ـی نسانی 2026 توانیویانه ته‌رمی گه‌نجه‌كه له ڕوباره‌كه بدۆزنه‌وه.
ڕۆژی 23ـی ئازاری 2026 ئەو گەنجە کەوتە ناو ڕوباری خابور و خنكا.
ساڵانه له هه‌رێمی كوردستان، به تایبه‌ت له وه‌رزه‌كانی به‌هار و هاوین، ده‌یان كه‌س له كاتی مه‌له‌كردن له چه‌م و ڕوباره‌كان، گیان له‌ده‌ست ده‌ده‌ن.