دۆناڵد ترەمپ، سەرۆکی ئەمریکا ڕایگەیاند، ئەگەر ئێران کەشتییەکانی وڵاتەکەی لە گەرووی هورمز بکاتە ئامانج، ئەوا لەناویان دەبەن و بە وێرانکردنی ئێران کۆتایی دێت.
سەرۆکی ئەمریکا لە لێدوانێکی نوێدا بە کەناڵی فۆکس نیوزی ئەمریکی گوت، ئەگەر ئێران هێرش بکاتە سەر کەشتییە ئەمریکییەکان لە گەرووی هورمز، ئەوا ئێران لەسەر نەخشە دەسڕنەوە و وەڵامیان بۆیان زۆر توند خێرا و وێرانکەر دەبێت.
دەربارەی دانوستانەکانیان لەگەڵ ئێران ترەمپ گوتی، ئێران نەرمیی زۆری لە دانوستانەکان بۆ ئاشتی نواندووە.
جەختی لەوەشکردەوە، ئەمریکا چەک و تەقەمەنی زۆر و پێشکەتووی بەراورد بە ماوەکانی ڕابردوو هەیە، بوونی ژمارەی زۆری هێزەکانی ئەمریکاش لەناوچەکە بەردەوامی دەبێت.