بە تۆمەتی پیسبوونی ژینگە و بڵاوبوونەوەی بۆنی ناخۆش له سنووری عه‌ربه‌تی سه‌ر به پارێزگای سلێمانی دوو كارگه دران به دادگا.
بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیەنراوێکدا بڵاویكرده‌وه، دوو کارگە لە سنوری ناحیەی عەربەت ڕێکاری یاسایی لە دژیان گیراوه‌ته‌وه ئه‌وه‌ش به‌هۆی ئەو بۆنەی لە هەوادا بڵاویانکردووەتەوە و بوونەتە بێزارکردنی هاوڵاتیان.
ده‌شڵێ، لە بنکەی پۆلیسی دارستان و ژینگەی عەربەت پەڕاوی لێکۆڵینەوە بۆ كارگه‌كان ڕێکخراوە بۆ وەرگرتنی ڕێکاری یاسایی و کێشەکە لەژێر لێکۆڵینەوەدایە.