پۆلیسی دارستان و ژینگەی سلێمانی ڕایگەیاند، لە سنوری ماوەت و بەرزنجە زیاتر لە 45 داری سروشتی بڕاونەتەوە و بەهۆیەوە دوو کەسمان دەستگیرکردووە.
بەڕێوبەرایەتیی پۆلیسی دارستان و ژینگەی سلێمانی لە ڕاگەیەنراوێکدا دەڵێت، لە سنوری ماوەت لە دوای گەڕان و پشکنین دەرکەوت کە 23 داری سروشتی لە جۆری ''دار بەڕوو'' بڕاونەتەوە، سەرجەم دارەکان دەستیان بەسەردا گیرا و گواستراونەتەوە.
ئاماژە بەوەشکراوە، پاش لێکۆڵینەوە و بەدواداچوون زانیاری لەسەر کەسی تۆمەتبار دەستکەوت، بە بڕیاری دادوەر فەرمانی دەستگیرکردنی بۆ دەرکراوە.
پۆلیسی دارستان و ژینگەی سلێمانی دەشڵێت، هەر ئەمڕۆ دوو هاوڵاتی لە سنوری ناحیەی بەرزنجە دەستگیرکران کە نزیکەی 25 داری سروشتییان بڕیبووەوە.
ئاماژە بەوەشکراوە، بە بڕیاری دادوەر پەڕاوی لێکۆڵینەوە کراوەتەوە و بەگوێرەی ماددەی 21 لە یاسای دارستان و ژینگە تۆمەتبارەکان ڕاگیراون.