بەهۆی لافاو و رۆچوونی زەوییەوە لە باشوری رۆژهەڵاتی بەرازیل 25 کەس گیانیان لەدەستدا، دەیان کەسیش بێسەروشوێنبوون.
بە تەنیا لە هەرێمی ژویز دێ فۆرا نزیکەی 400 کەس ئاوەرە بوون، شوێن، خۆراک، جلوبەرگ و ئاوی خواردنەوەی گونجاویان نییە.
لویز لولا داسیلڤیا، سەرۆکی بەرازیل دۆخی کارەساتی راگەیاندووە و دەڵێت، تیمی گەڕۆکی گەورەمان ناردووەتە ناوچە کارەساتبارەکان و هەوڵی بینادنانەوەی شوێنە زیانلێکەوتووەکان دەدەن.
پارێزگاری شارەکەش دۆخەکە 'خەمبارترین' کات ناودەبات و دەڵێ، لە ماوەی پێنج ساڵی رابردوی ئەرکەکەمدا، کاتی وەها ناخۆشم نەدیوە، سێ رۆژ پرسەی گشتی لە ناوچەکە رادەگەیەنین.
لە دوێنێوە پەیمانگای پێوانەی بەرازیل هۆشداریی بارانی بەخوڕ و مەترسیی دروستبوونی لافاوی لە رێ دییۆ جانیرۆ و 13 هەرێمی دیکەی راگەیاند بوو.