ئاژانسی میزۆپۆتامیا بڵاویکردەوە، بەهۆی بەفربارینەوە ڕێگای 93 گوندی سەر بە پارێزگای وان داخراون و ئەمەش کاریگەریی لەسەر ژیان و گوزەرانی دانیشتوانی گوندەکان دروستکردووە.
دەشڵێت، لە بەرەبەیانی دۆینێ واتا 12ـى نیسانی 2026ـەوە شەپۆلێکی سەرما و بەفربارین ڕووی لە ناوەند و سەرجەم شارو شارۆچکە و گوندەکانی سەر بە پارێزگای وان کردووەو شەپۆلەکە تا ئەمڕۆ بەردەوام بووە.
ئاشکراشیکردووە، لە ناوچەی میکس ڕێگای 14 گوند و لە ئەلباک 9 گوند، لە شاخ ڕێگای 12 گوند، لە ئەردیش ڕێگای 9 گوند، لە گەڤاش 4 گوند، لە پاییزئاوا 28 گوند، لە مورادییە 7 گوند و لە سەرای ڕێگای گوندێک داخراوە و دانیشتوانی گوندەکان ناتوانن هاتوچۆ بکەن.
هەر دۆینێ شەپۆلێکی نوێی بەفر بارین ڕووی لە باکوری کوردستان کرد و بەهۆیەوە ڕێگای نێوان چەندین گوندی پارێزگا وان داخران.
