وەزارەتی دەرەوەی بەریتانیا، سەرجەم ستاف و نێردە دیبلۆماسییەکانی لە ئێران کشاندەوە و داوا لە هاوڵاتیانیشی دەکات بەخێرایی ئەو وڵاتە جێبهێڵن.
وەزارەتی دەرەوەی بەریتانیا لە راگەینراوێکدا، داوای لە هاوڵاتیانی کردووە بەهۆی ئەوەی لە ئێستادا، باڵیۆزخانەی وڵاتەکەی لە تاران داخستووە و سەرجەم کارمەندانی وڵاتەکەی کشاندووەتەوە، بەزویی ئەو وڵاتە جێبهێلن.
بەریتانیا بە هاوڵاتییەکانی خۆی لە ئێران دەڵێت، لە کاتی بوونی هەرکێشەیەکدا ناتوانین هاوکاریتان بکەین.
هۆشدارییەکەی بەریتانیا لە کاتێکدایە، لە سەرلەبەیانی ئەمڕۆ 27/02/2026ەوە هەریەکە لە وڵاتانی چین و کەنەدا، داوایان لە هاوڵاتیانی خۆیانکرد ئێران جێبهێڵن، هەرچی ئەمریکاشە داوای لە هاوڵاتیانی وڵاتەکەی کردووە بەخێرایی ئیسرائیل جێبهێڵن.