بە گوێرەی هەواڵێکی ئاژانسی هەواڵی تایمز ئۆف ئیسرائیل، بنیامین نەتانیاهۆ سەرۆکوەزیرانی ئەو وڵاتە لە میانەی کۆبوونەوەی هەفتانەی ئەنجومەنی وەزیران ڕایگەیاندووە، دەیانەوێت هاوپەیمانییەکی نوێ لە دژی ڕەوتی شیعە و سوننەی توندڕەو لە ناوچەکەدا دروستبکەن.
ئاژانسەکە ئاماژەی بۆ ئەوەش کردووە، شەش لایەن لە هاوپەیمانییەکە بەشدار دەبن، هیندستان، یۆنان، قوبرس و هەندێک وڵاتی عەرەبی بەشێکن لە هاوپەیمانییەکە.
نەتانیاهۆ وتوشیەتی، هەر لەو چوارچێوەیەدا دەیانەوێت پەیوەندییە سیاسی و ئابورییەکانیان لەگەڵ هیندستان بەهێزتر بکەن، بۆ ئەوەش بڕیارە نارێندرا مۆدی، سەرۆکوەزیرانی هیندستان سەردانی ئیسرائیل بکات و وتارێک لە پەرلەمان پێشکەش بکات.