عەراقچی وتیشی، ئێران هیچ متمانەیەکی بە ئەمریکا نییە، بەڵام لەگەڵ ئەوەشدا ئامادەن بۆ دانوستاندن و چاوەڕێی هەڵوێستی کرداریی لە واشنگتن دەکات.
ئاماژەی بەوەشکرد، وڵاتەکەی کار لەسەر ڕەشنوسی دانوستاندنەکانی نێوان ئێران و ئەمریکا دەکات، بڕیاریشە ڕۆژی پێنجشەممە کۆبونەوەیەک لە جنێڤ لەگەڵ لایەنی ئەمریکیدا ئەنجامبدەن و کۆبوونەوەکەش بە سەرۆکایەتی ستیڤ ویتکۆف، نێردەی تایبەتی ترەمپ بۆ کاروباری ڕۆژهەڵاتی ناوەڕاست ئەنجامدەدرێت.