Di 16`ê îlona sala 2022'an de Serhildana Jin, Jîyan, Azadî bi pêşengtiya Jîna Emînî li Rojhilatê Kurdistanê destpê kir.
10 saziyên civaka sivîl û karkeran ên li Rojhilatê Kurdistan û Îranê bi boneya nêzbûna salvegera 4'an a Serhildana Jin, Jiyan, Azadî’ daxuyaniyek da.
Daxuyanî wiha ye:
"4 sal berî niha Jîna Emînî ya xelkê Saqiz a Rojhilatê Kurdistanê li Tehranê bi hinceta nebûna laçika wê hate binçavkirin û ji aliyê hikûmeta Îranê ve hate qetilkirin
Qetilkirina Jîna bû agireke mezin li ser zilm, cudahî û gendeliyê de barîya.
Xelk daketin qadan û xwepêşandan li dijî hejarî, newekhevî, mêtingerî dengê xwe bilind kirin."
Di berdewamiya daxuyaniya saziyên civaka sivîl û karkeran ên li Rojhilatê Kurdistan û Îranê de ev yek hat gotin:
"Silogana ‘Jin, Jiyan, Azadî’ bi lez belavî cîhanê bû.
Bû yek ji qonaxên herî girîng a xelkên Rojhilatê Kurdisanê û Îranê ya di dîroka hemdem de.
Komara Îslamî nekarî bi êşkence, zilm û darvekirinê pêşiya civakê bigire.
Şoreşa ‘Jin, Jiyan, Azadî’ her çû kete nava hemû rehên jiyanê û li dijî her cûre dîktatorî, kenveperestî û zilmê li ber xwe dide."
Di dawiya daxuyniya saziyên civaka sivîl û karkeran ên li Rojhilatê Kurdistan û Îranê de bang li hemû çalakvan, saziyan hate kirin ku ji bo pîrozkirina salvegera serhildana ‘Jin, Jiyan, Azadî’ û bîranîna kesên di vê rêyê de jiyana xwe ji dest dane, têbikoşin.
