Berdevkê Desteya Rêveberiya Karesatên Neteweyî Yousef Hamad eşkere kir ku di karesata xwezayî ya şeva duşemê li welêt qewimî de jimara qurbaniya gihîşt 1400 kesan, zêdetirî 3 hezar Efxanî jî birîndar bûn.
Rayedarên Efxanî dan zanîn ku erdê çiyayî û hewaya tofanî hewldanên rizgarkirinê asteng kirine.
Her wiha erdhejê xanîyên ji kerpîçên heriyê wêran kirine û hejmara miriyan zêdetir kiriye.
Berpirsê rêveberiya karesatan li parêzgeha Kunar diyar kir ku ew nikarin bi rastî hejmara cenazeyên ku hîn jî di bin kavilan de ne texmîn bikin û got:
"Em hewil didin operasyonên rizgarkirinê di zûtirîn dem de temam bikin û dest bi belavkirina alîkariyê li malbatên mexdur bikin."